“Akylly” şäher üçin ynamdar programma protokoly işlenip taýýarlandy
Demirgazyk-Kawkaz federal uniwersitetiniň we Russiýanyň Ylymlar akademiýasynyň Ulgamlaýyn programmirleme institutynyň alymlary Koreýa Respublikasyndan, Meksikadan we Urugwaýdan bolan kärdeşleri bilen “akylly” şäher üçin ynamdar programma protokolyny işläp düzdüler.
Bu protokol dürli haker hüjümlerine durnuklylygy bilen tapawutlanýar. Haker hüjümi wagtynda bu protokol maglumatlaryň galplaşdyrylmagyna, ulgamlarda aragatnaşygyň kesilmegine we maglumatlaryň ýitirilmegine durnukly bolup, ol “akylly” şäheriň işini goraýar we sazlaşdyrýar. Alymlaryň bellemegine görä, “akylly” şäherde tiz aragatnaşyk, ygtybarlylyk we maglumatlaryň goraglylygy hökmany talapdyr.
Täze programma protokoly MANET (Mobile Ad hoc Networks) ulgamy esasynda taýýarlanyp, alymlar ony geljekde has-da kämilleşdirmegi maksat edinýärler.
ORIENT news
