Aýlag we Merkezi Aziýa ýurtlarynyň Hyzmatdaşlyk geňeşiniň sammiti 19-njy iýulda Jidda şäherinde geçiriler
Saud Arabystany 19-njy iýulda Jidda şäherinde Aýlag we Merkezi Aziýa ýurtlarynyň Hyzmatdaşlyk geňeşiniň sammitini geçirer.
Patyşa Salman iki blogyň ähli ýurtlarynyň ýolbaşçylaryna sammite gatnaşmak üçin çakylyk iberdi – diýip, penşenbe güni “Saudi Gazette” neşiri habar berýär.
2022-nji ýylyň sentýabr aýynda Er-Riýadda Pars aýlagynyň arap ýurtlarynyň we Merkezi Aziýa döwletleriniň Hyzmatdaşlyk geňeşine gatnaşýan ýurtlaryň Daşary işler ministrleriniň ilkinji mejlisi geçirildi we duşuşygyň barşynda söwda, maýa goýum, bilim, saglygy goraýyş, medeniýet we sport ugurlarynda hyzmatdaşlygy ýola goýmaga gönükdirilen 2023-2027-nji ýyllar üçin Bilelikdäki Hereket meýilnamasy kabul edildi.
Geçen ýylyň awgust aýynda söwda we ykdysady ugurda, energetika, suw we azyk howpsuzlygy pudaklarynda gatnaşyklary işjeňleşdirmek maksady bilen Türkmenistan bilen Pars aýlagynyň arap döwletleriniň Hyzmatdaşlyk geňeşi Aşgabatda özara düşünişmek hakynda Ähtnama gol çekdiler.
Pars aýlagynyň arap döwletleriniň Hyzmatdaşlyk Geňeşi alty sany arap ýurduny öz içine alýan sebit guramasydyr, onuň düzümine Bahreýn, Katar, Kuweýt, Birleşen Arap Emirlikleri, Oman we Saud Arabystany girýär.
ORIENT news
