Hytaý dörediji EI-iň işini kadalaşdyryjy düzgünler işlenip düzülen ilkinji ýurt boldy
Hytaýyň kadalaşdyryjy edaralary dörediji emeli intellektiň işini kadalaşdyrjak düzgünleriň ýygyndysyny işläp düzdüler – diýip, Sinhua habar berýär. Bu dünýäde şuňa meňzeş düzgünleriň ýygyndysynyň ilkinjisidir.
Resminama 15-nji awgustda güýje girer we giň köpçülige elýeter bolan dörediji EI-iň hyzmatlaryna degişli bolar. Şuňa meňzeş hyzmatlara badalga berilmezden öňürti Hytaýda işläp düzüjiler degişli ygtyýarnamany almaly bolarlar.
Düzgünleriň doly sanawy penşenbe güni HHR-nyň internet-maglumatynyň Döwlet diwanynyň saýtynda çap edildi. Edarada düzgünleriň dörediji emeli intellektiň sagdyn ösüşine we kada boýunça peýdalanylmagyna, milli howpsuzlygy we jemgyýetçilik bägbitlerini goramaga ýardam etmäge, şeýle hem raýatlaryň, hukuk taraplaryň we beýleki guramalaryň kanuny hukuklarynyň we bähbitleriniň goralmagyna ýardam etmäge niýetlenendigini nygtaýarlar.
Täze düzgünlere laýyklykda, Hytaý dörediji emeli intellektiň innowasion peýdalanylmagyny dürli ulgamlarda we ugurlarda höweslendirer, şeýle hem senagat guramalaryna, kompaniýalara, okuw we ylmy edaralara we beýleki degişli edaralara bu ulgamda hyzmatdaşlyk etmekde goldaw berer.
ORIENT habarlar
