Türkmen işewüri hindi towugyndan çipsileri öndürmegi meýilleşdirýär

Iýul 13, 2023 | 23:58 |6642

“Maksada okgunly” hususy kärhanasy hindi towugynyň etinden çipsileri öndürmegi meýilleşdirýär. Bu barada hususy kärhananyň ýolbaşçysy Maksat Ibragimow “Нейтральный Туркменистан” gazetine beren beýanatynda mälim edýär.

Şeýle hem, telekeçi geljekde çaga we gipoallergen azyk önümlerini öndürmegi we eksportyň gerimini giňeltmegi maksat edinýär. Häzir hususy kärhanada 85 dürli önüm öndürilýär.

Hususy kärhana öz önümleriniň Azerbaýjana eksportyny ýola goýdy we geljekde Russiýa, Täjigistan, Özbegistan we Ýewropa ýurtlaryna eksport etmegi meýilleşdirýär.

ORIENT news