Nökerguly Atagulyýew Türkmenistanyň Senagatçylar we telekeçiler birleşmesiniň Müdiriýetiniň başlygy wezipesine saýlandy
Türkmenistanyň Senagatçylar we telekeçiler birleşmesiniň Müdiriýetiniň başlygy wezipesine Nökerguly Atagulyýew saýlandy.
Şu gün Türkmenistanyň Senagatçylar we telekeçiler birleşmesiniň (TSTB) nobatdan daşary maslahaty geçirildi. Oňa gatnaşyjylaryň teklipleri boýunça we biragyzdan ses bermegi netijesinde TSTB-nyň Müdiriýetiniň başlygy wezipesine Nökerguly Hojagulyýewiç Atagulyýew saýlandy. Bu barada ORIENT habarlar saýtynyň habarçysy habar berýär.
Nökerguly Atagulyýewiň döwlet we diplomatik işlerinde baý tejribesi bar. Ol 2007-2010-njy ýyllarda söwda ministri, 2010-2012-nji ýyllarda Türkmenistanyň BAE-däki we Täjigistandaky Adatdan daşary we Doly ygtyýarly ilçisi, 2012-2013- nji ýyllarda bolsa Türkmenistanyň Ministrler Kabinetiniň başlygynyň orunbasary wezipelerinde işledi. Esasy bilimi – ykdysatçy-guramaçy.
ORIENT news
