Ilon Mask emeli intellekt ulgamynda işlemek üçin kompaniýany esaslandyrdy
Özüniň Twitter-däki mikroblogynda amerikan işewüri Ilon Mask xAI atly täze kompaniýany döredýändigi barada habar berdi.
Onuň maksady — älemiň hakyky tebigatyna düşünmekdir. Öz tabşyrygyny ýerine ýetirmek üçin xAI Twitter-iň ýerine gelen X Corp., bilen, Tesla we beýleki korporasiýalar bilen ýakyndan hyzmatdaşlyk eder.
xAI esaslandyrmak boýunça topara emeli intellekt ugrundan ýöriteleşen kompaniýalaryň - DeepMind, OpenAI, Microsoft, Tesla, Toronto Uniwersitetiniň 12 öňki işgäri girdiler. Hususanda, Toronto Uniwersitetiniň dosenti Jimmi Ba, Google-daky EI-iň üstünde uzak wagtlap işlän Kristian Segedi girdiler.
Täze kompaniýa emeli intellektiň howpsuzlygy Merkeziniň (Center for AI Safety) direktory Den Hendriks maslahat berer. Merkez emeli intellektiň gaty çalt ösmegini howply diýip hasap edýär.
Häzir startap tejribeli inženerleri we ylmy-barlagçylary işjeň işe alýar. Köpçüligi gyzyklandyrýan ähli sowallara xAI-yň topary 14-nji iýulda Twitter Spaces-de alnyp görkeziliş wagtynda jogap berer.
ORIENT habarlar
