Russiýa "Demirgazyk-Günorta" Halkara ulag geçelgesi hakyndaky ylalaşyga Türkmenistanyň goşulmagyna razylaşdy
Russiýa "Demirgazyk-Günorta" halkara ulag geçelgesi hakyndaky ylalaşyga Türkmenistanyň goşulmagyna razylyk berdi. TASS-yň berýän habaryna görä, degişli buýruga Russiýa Federasiýasynyň premýer-ministri Mihail Mişustin gol çekdi.
Onda Russiýanyň hökümetiniň Daşary işler ministrligi we beýleki gyzyklanma bildirýän edaralar bilen Türkmenistanyň bu taslama goşulmagyna razylyk bildirmek üçin Transport ministrliginiň teklibini kabul edýändigi aýdylýar. Russiýa Federasiýasynyň Daşary işler ministrligi, görkezilen ylalaşygyň saklaýjysy hökmünde, Eýrana Russiýa Federasiýasynyň ady agzalan döwletiň resminama goşulmagyna razylygy barada habar bermeli.
Ozal Aşgabat taslama gatnaşmak meýilnamasyny yglan edipdi. Ulag we kommunikasiýalar agentliginiň Baş direktory Mämmethan Çakyýew maý aýynda "Russiýa-Yslam dünýäsi: Kazanforum 2023" XIV halkara ykdysady forumynda Türkmenistanyň bu ITC-e goşulmak prosedurasyny başlandygyny habar beripdi.
Şeýle hem, ol üznüksiz hyzmat, tutuş ugur boýunça ýeke-täk nyrhy ýola goýmak boýunça Russiýanyň, Gazagystanyň we Eýranyň wekilleri bilen alnyp barylýan işler barada gürrüň berdi.
Türkmenbaşynyň Halkara deňiz porty “Demirgazyk-Günorta” ulag geçelgesiniň geljegi uly ugurlaryndan biri hasaplanýar. Hazaryň üsti bilen ýük daşamagy artdyrmak maksady bilen, Astrahan oblastynyň “Lotos” aýratyn ykdysady zolagynda Türkmenistanyň logistika merkezi dörediler.
Multimodal “Demirgazyk-Günorta” ulag geçelgesini döretmek hakyndaky hökümetara ylalaşyga 2000-nji ýylda Russiýa, Hindistan we Eýran tarapyndan gol çekildi. Soňra oňa gatnaşyjylaryň sany 14-e ýetdi. Sues kanalyny arkaly geçýän deňiz ýoly bilen deňeşdirilende, aralyk iki essä golaý gysgalýar, bu bolsa ýük daşamanyň wagtyny we çykdajylaryny azaldýar.
ORIENT news
