“Threads” platformasy “Twitter-iň” ulanyjylaryny azaldýar
“Meta” kompaniýasynyň “Threads” sosial ulgamyny işe girizeninden soň, “Twitter-iň” ulanyjylarynyň sany ep-esli azaldy.
Diňe 5 günüň içinde “Threads” sosial ulgamyny 100 million sany hemişelik ulanyjysy döredi. “Meta-nyň” baş direktory Mark Zukerbergiň mälim etmegine görä, bu diňe organiki islegden gazanylan görkezijidir. Kompaniýa bu boýunça heniz hiç-hili promo aksiýalary hem işe girizmändir. “Similarweb” serwisiniň berýän maglumatlaryna görä, “Threads” işe girizileninden soň 2 günüň içinde “Twitter-iň” ulanyjylarynyň sany 5 göterim azalypdyr.
“Twitter-iň” eýesi Ilon Mask “Threads” platformasyny işe girizenligi üçin “Meta” kompaniýasyny kazyýet jogapkärçiligine çekjekdigini mälim etdi. Maskyň sözlerine görä, “Meta” “Twitter-iň” täjirçilik syryny açyp, onuň funksionalyny we dizaýnyny ogurlapdyr.
“Meta” bu aýyplamalary inkär edip, täze platforma işlenip taýýarlananda “Twitter-iň” ozalky işgärleri gatnaşmadylar.
ORIENT news
