Hindistan 2030-njy ýyla çenli 230-240 howa menzilini gurar
Hindistanyň raýat awiasiýasynyň ministri Džiotiraditýa Madhawrao Şindiýa ýurduň 2030-njy ýyla çenli 230-240 howa menziliniň, dikuçar meýdançalarynyň we suwaerodromlarynyň gurluşygyny tamamlamagy meýilleşdirýändigini beýan etdi.
Bu awiasiýa pudagynda ýolagçy gatnawynyň 2013-2014-nji ýyllarda 60 million bolanlygyndan 145 milliona çenli artmagy bilen baglanyşyklydyr. Üstümizdäki ýylda ýolagçy sanynyň bir günde 460 müňe ýetmegi bilen rekord goýuldy, bu COVID-19 pandemiýasyndan ozalky görkezijilerden geçdi.
Ministriň aýtmagyna görä, ýurtdaky howa gämileriniň parky garaşylmagyna görä, 2030-njy ýyla çenli 1200-1400-e çenli artar, bu döwre çenli her ýylky ýolagçy gatnawy bolsa 3 esse artar we 420 million adama golaý bolar. Ol şeýle hem ýurtda uçarly ýük daşamalarynyň okgunly ösýändigini görkezdi.
Häzirki wagtda Hindistanda 148-e golaý howa menzilleriniň bardygyny belläp geçmelidiris.
ORIENT habarlar
