BMG-niň ynsanperwer kömeklerini indi robotlar daşar
Geljek ýyldan başlap, Birleşen Milletler Guramasynyň ynsanperwer ýüklerini dawa-jenjeliň we tebigy betbagtçylygyň bolan ýerlerine emeli intellekti bolan robotlar elter. Bu barada BMG-niň Bütindünýä azyk maksatnamasynda mälim edildi.
Emeli intellekt ornaşdyrylan robot ýük awtoulaglary birwagtda ynsanperwer ýüküň 2 tonnasyna çenli daşap bilerler. Häzirki wagtda şeýle awtoulaglaryň 50-ä golaýy Günorta Sudan döwletinde ulanylýar. Häzirki wagtda operatorlar tarapyndan dolandyrylýan bu ulaglary sürüjisiz esasda ýükleri daşamagyny gazanmak göz öňünde tutulýar.
BMG-niň Bütindünýä azyk maksatnamasynyň wekili Bernhard kowaçyň mälim etmegine görä, bu ulgamyň ornaşdyrylmagy sürüjilere we işgärlere salýan howp bilen baglanyşyklydyr. Bu başlangyç “AHEAD” (Autonomous Humanitarian Emergency Aid Devices) taslamasynyň çäklerinde durmuşa geçirilýär.
ORIENT news
