“Gazprom” açyk görnüşli paýdarlar jemgyýetiniň başlygy we Gyrgyzystanyň Ministrler Kabinetiniň Başlygy hyzmatdaşlygy ösdürmegiň mümkin bolan ugurlaryny ara alyp maslahatlaşdylar
“Gazprom” AGPJ-niň müdiriýetiniň başlygy Alekseý Milleriň Gyrgyzystanyň Ministrler Kabinetiniň Başlygy, Gyrgyzystanyň Prezident administrasiýasynyň ýolbaşçysy Akylbek Žaparow bilen penşenbe güni iş duşuşygy geçirildi.
Taraplar özara gatnaşyklaryň möhüm meselelerine garadylar we hyzmatdaşlygy ösdürmegiň mümkin bolan ugurlaryny ara alyp maslahatlaşdylar – diýip, “Gazprom” öz saýtynda habar berýär.
2013-nji ýylda Russiýanyň we Gyrgyzystanyň hökümetleri respublikanyň çäginde tebigy gazy daşamak, paýlamak we ýerlemek boýunça hyzmatdaşlyk hakynda şertnama baglaşdylar. Ýurduň gaz geçiriji we paýlaýyş ulgamlarynyň eýesi – “Gazprom” AGPJ- niň 100% golçur kärhanasy we respublikada tebigy gazy import edýän “Gazprom Gyrgyzystan” Jogapkärçiligi çäklendirilen jemgyýet bolup durýar.
Hyzmatdaşlyk ýyllary dowamynda “Gazprom” Gyrgyzystanda birnäçe sosial taslamany amala aşyrdy: ýurduň dürli sebitlerinde dokuz sport-sagaldyş toplumyny gurdy, şeýle hem "Gazprom Gyrgyzystan mekdebi" doly aýlawly umumybilim berýän mekdebi açdy.
ORIENT news
