Tunisiň täze ilçisi Türkmenistanyň Daşary işler ministrliginde duşuşyk geçirdi
Tunis Respublikasynyň Türkmenistandaky ilçisi (Moskwada ýaşaýan) Tarek Ben Salem 4-nji iýulda Türkmenistanyň Daşary işler ministriniň orunbasary Berdiniýaz Mätiýewe ynanç hatynyň nusgalaryny gowşurdy.
Türkmen diplomaty ilçini jogapkär wezipä bellenmegi bilen gutlady we alyp barýan işleriniň türkmen-tunis gatnaşyklarynyň mundan beýläk-de ösmegine goşant goşjakdygyna umyt bildirdi. Ýurtlaryň arasynda diplomatik gatnaşyklar 1992-nji ýylyň noýabr aýynda ýola goýuldy.
Taraplar Türkmenistan bilen Tunisiň arasynda ikitaraplaýyn görnüşde we abraýly halkara gurluşlarda özara gatnaşyklaryň çäginde uly mümkinçilikleriň bardygyny mälim etdiler. Şeýle hem, diplomatlar iki ýurt üçin gyzyklanma döredýän geljekki hyzmatdaşlygyň aýratyn taraplaryny ara alyp maslahatlaşdylar.
ORIENT news
