Türk kompaniýalary Türkmenistanda $50,9 mlrd ABŞ dollary möçberinde gurluşyk taslamalaryny ýerine ýetirdiler
Türkmenistanda işlemeginiň dowamynda Türkiýeden gelen kompaniýalar ýurtda jemi bahasy $50,9 mlrd ABŞ dollary möçberinde gurluşyk taslamalaryny ýerine ýetirdiler – diýip, Türkiýäniň söwda Ministrligine salgylanyp, hurriyetdailynews.com habar berýär.
Geçen ýyl edil şu çeşme türk kompaniýalary tarapyndan Türkmenistanda ýerine ýetirilen gurluşyk taslamalaryny $49,9 mlrd ABŞ dollary möçberinde bahalandyrdy. Ýagny, bir ýylyň dowamynda türk gurluşyk firmalary Türkmenistanda $1 mlrd ABŞ dollary möçberinde işleri ýerine ýetirdiler.
Jemi 2023-nji ýylyň ýanwar-iýun aýlarynyň dowamynda türk kärendeçileri daşary ýurtlarda $7,5 mlrd-lyk 110 taslamany aldylar, bu bolsa geçen ýylyň degişli döwri bilen deňeşdireniňde 63% köpdür.
Türkiýe ýurtda ulag, energetika, saglygy goraýyş, bilim we beýleki ugurlarda köp taslamalaryň ýerine ýetirilmegine ýardam etmek bilen gurluşyk pudagynda Türkmenistanyň esasy hyzmatdaşlarynyň biridir.
Üstümizdäki ýylyň aprelinde Türkmenistanyň Halk Maslahatynyň başlygy Gurbanguly Berdimuhamedow türk kompaniýalaryny Arkadag şäherindäki Çagalar sagaldyş-dikeldiş Merkeziniň ýanyndaky çagalar üçin önümleri öndüriji, şeýle hem derman serişdelerini öndüriji toplumyň gurluşygyna gatnaşmaga çagyrdy.
ORIENT habarlar
