Türkmen talyplary Kokandda türki dilli ýaşlar festiwalyna gatnaşarlar
Özbegistanyň Kokand şäheri birnäçe gün türki dilli ýaşlaryň duşuşýan ýerine öwrüler. Bu ýerde, 11-15-nji iýul aralygynda Azerbaýjan, Gyrgyzystan, Gazagystan, Türkmenistan, Türkiýe we Özbegistanyň ähli sebitlerinden talyplaryň we ýaşlaryň gatnaşýan Halkara festiwal geçiriler.
Ýaşlar dürli ýaryşlara, tanyşdyryşlara, mahabat çärelerine we taslamalara gatnaşarlar, şeýle hem mowzuklaýyn duşuşyklary we beýleki gyzykly çäreleri geçirerler.
Forumyň çäginde dürli etnosport görnüşindäki ýaryşlar, medeni we güýmenje çäreleri, ýaşlar işewürligini guramak we senetçilik önümleri boýunça tegelek stollar, şeýle hem teatr we kinonyň meşhur şahsyýetleri bilen döredijilik gepleşikleri bolar.
Forumy gurnaýjylar hökmünde Türki medeniýetiň halkara guramasy TÜRKSOÝ, Medeniýet we syýahatçylyk ministrligi, Daşary işler ministrligi we Özbegistanyň ýaşlar guramasy çykyş eder diýip, uz.sputnik habar berýär.
ORIENT news
