Rowaýata öwrülen «Aziýanyň sesi» festiwaly gaýdyp gelýär
Ilkinji gezek «Aziýanyň sesi» 1990-njy ýylda Alma-Atyda daglarynyň üstünde ýaňlandy. 15 ýyl bäri bu festiwal diňe bir Ýewraziýa yklymynyň iň möhüm medeni wakalarynyň biri bolman, eýsem sebitiň saz durmuşynyň nyşany, zehinleri özüne çekýän merkez boldy. «Aziýanyň sesi» festiwaly 1994-nji ýylda Kann dünýä şou- işewürlik festiwalynda ýörite baýrak aldy we 1998-nji ýylda Halkara festiwallary gurnaýjylaryň federasiýasy tarapyndan dünýäniň iň gowy festiwaly diýen ada eýe boldy.
Ýerine ýetirijileriň birden köp nesli «Aziýanyň sesini» öz ýyldyz karýerasynyň başlangyjy diýip bilerler. Ine indi, 19 ýyl soň, meşhur festiwal gaýdyp geldi. Bu barada Forbes.kz ýazýar.
28-30-njy iýul aralygynda «Aziýanyň sesi» festiwaly Medeu belent dagdan typma meýdançasynyň sahnasyna gaýdyp geler. Bir wagtlar bu täsin ýerde Sowet Soýuzynyň iň oňat artistleri we dünýäniň estrada ýyldyzlary: Patrisiýa Kaas, Toto Kutuno, Boney M, Alla Pugaçýewa, Sofiýa Rotaru, Roza Rymbaýewa, Waleriý Leontýew, «Ýalla» topary, «А-Studio» topary we başga-da köp adamlar, şol sanda Türkmenistanly artistler ýygnanýardylar.
Birinji gün «Aziýanyň sesi» 2.0 festiwalynda Gazagystanyň saz medeniýetiniň wekilleri sahna çykarlar, ikinji gün Amerikanyň The Black Eyed Peas hip-hop topary ýekelikde konsert berer. Üçünji gün saz rowaýatlaryna - ozal «Aziýanyň sesi» programmalarynda çykyş eden artistlere bagyşlanar. Şwesiýanyň Secret Service topary bolsa, bu agşamyň esasy sözbaşysy bolup, saz şüweleňini tamamlar.
Guramaçylar, ýakyn wagtda gaýtadan dikeldilýän festiwalyň diňe bir Gazagystanda däl, eýsem ilki bilen ýakyn we uzak ýurtlaryň artistleriň ünsüni çekip, tutuş sebitde-de görnükli hadysa boljakdygyna umyt edýärler. Şeýle hem «Aziýanyň sesi. Çagalar» Halkara bäsleşigini geçirmek pikiri bar.
Festiwalyň galkynyşyna Gazagystanyň öňdebaryjy banky - 2023-nji ýylda ýüz ýaşyny belleýän we bu çäräniň hormatyna tutuş ýurtda sosial, medeni taslamalary we jemgyýetçilik ähmiýetli başlangyçlary durmuşa geçirip, giň gerimli «100 ýagşy iş» geçirýän Halyk Bank tarapyndan hemaýatkärlik edilýär.
ORIENT news
