Rus işläp taýýarlamasynyň esasynda mugallym simulýatoryň türkmen görnüşi döredilip bilner
Russiýanyň Naberežnyý döwlet mugallymçylyk uniwersitetiniň işläp taýýarlamasynyň esasynda mugallymyň sanly simulýatorynyň türkmen görnüşi taýýarlanylyp bilner. Bu sanly simulýator ýaş mugallymlaryň goýberýän ýalňyşlyklaryny “duýdurýar” we degişli maslahatlary berýär. Bu barada ýokary okuw mekdebiniň rektory Alfinur Galiakberow “Нейтральный Туркменистан” gazetine beren beýanatynda mälim edýär.
Russiýanyň mugallymçylyk ýokary okuw mekdebiniň ýolbaşçysynyň mälim etmegine görä, bilim merkeziniň alymlary bilim beriş işinde sanly türgenleşik işlerini we bu ugurda ýörite taýýarlanylan simulýatorlary ulanýar. Bilim bermekde möhüm ähmiýetli bu tejribeler türkmen kärdeşleri bilen paýalaşylyp bilner.
Mugallymçylyk işiniň sanly simulýatory pedagogika ugurly ýokary okuw mekdepleriniň talyplarynyň hünär taýýarlygyny ýokarlandyrmak işinde ulanylýar. Naberežnyý döwlet mugallymçylyk uniwersitetinde dürli ugurlarda türkmen ýaşlary hem bilim alýar.
ORIENT news
