Serdar Berdimuhamedow ABŞ-nyň Prezidentini gutlady
Türkmenistanyň Prezidenti Serdar Berdimuhamedow Amerikanyň Birleşen Ştatlarynyň Prezidenti Jozef Baýdeni ABŞ-nyň Garaşsyzlyk güni bilen gutlady. Bu barada Türkmenistanyň resmi metbugaty habar berýär.
“Türkmenistan bilen Amerikanyň Birleşen Ştatlarynyň arasyndaky dostlukly gatnaşyklara ýokary baha berýäris we onuň geljekde iki ýurduň halklarynyň bähbitlerine mundan beýläk-de ösdüriljekdigine hem-de giňeldiljekdigine berk ynam bildirýäris” diýip, Prezident Serdar Berdimuhamedow Gutlag hatynda belledi.
ABŞ-nyň Garaşsyzlyk güni her ýylyň 4-nji iýunynda bellenilýär. 1776-njy ýylyň bu gününde Ikinji Kontinental kongresi Beýik Britaniýadan Garaşsyzlygyny jar tedi.
ABŞ-nyň Garaşsyzlyk güni 1870-nji ýyldan bäri resmi baýram hökmünde bellenilip gelinýär.
ORIENT news
