Türkmenistanyň kompaniýalaryny «Eksporty öňe sürmek babatynda maslahat berme Gününe» çagyrýarlar
Merkezi Aziýada söwda boýunça USAID-iň Maksatnamasy (ТСА) we Ýewropanyň täzeleniş we ösüş bankynyň «Kiçi biznes üçin maslahat bermeler» atly Türkmenistandaky Maksatnamasy türkmen biznesiniň wekillerini «Eksporty öňe sürmek babatynda maslahat berme Gününe» çagyrýarlar.
Çäräniň çäklerinde bilermenler Türkmenistanyň eksporta gönükdirilen kärhanalaryna marketing, brending, şahadatnamalaşdyrmaga taýýarlyk, satuwlar ulgamyny ösdürmek we umuman eksporty öňe sürmek meseleleri boýunça hünär maslahatlaryny bererler.
Duşuşygyň maksady — işe täze başlaýan we öňden işläp gelýän eksport edijilere ekspot işjeňligini gurnamak boýunça ýokary hünärli bilermenleriň maslahatlaryny almaga mümkinçilik bermekdir.
«Eksporty öňe sürmek babatynda maslahat berme Güni» 12-nji iýulda Aşgabatda «Arçabil» oteliniň banketler zalynda sagat 09:30-dan 14:00-a çenli bolar.
Çärä gatnaşmak üçin 5-nji iýula, iş gününiň ahyrynya çenli hasaba alnyş formasyny doldurmak gerek. Soňra her bir kompaniýa üçin ýüz tutmada görkezilen meseläni göz öňünde tutup, ýekebara maslahat bermeleriň rejenamasy düzüler.
ORIENT habarlar
