Duşenbede MA-da saglygy we abadançylygy goldamak boýunça ýol kartasyna badalga berildi
Merkezi Aziýa ýurtlarynyň saglygy goraýyş ministrlikleri tarapyndan wekilçilik edilýän ýokar derejeli utgaşdyryjylar tarapyndan sebitde 2022-2025-nji ýyllarda saglygy we abadançylygy goldamak boýunça ýol kartasyna badalga berildi. Täjigistanyň paýtagtynda Bütindünýä saglygy goraýyş guramasy tarapyndan çagyrylan duşuşyk sebitde ilatyň saglygyny we abadançylygyny üpjün etmek, prosessi tizleşdirmek üçin maýa goýumlaryny çekmek maksady bilen bilelikdäki hereketleri ýerine ýetirmegiň we hyzmatdaşlar bilen hyzmatdaşlygy öňe sürmegiň meselelerini ara alyp maslahatlaşmak üçin meýdança boldy. Sebitde 2022-2025-nji ýyllarda saglygy we abadançylygy goldamak boýunça ýol kartasy 2022-nji ýylyň sentýabrynda Merkezi Aziýanyň bäş ýurdy tarapyndan kabul edilipdi. Resminama MA ýurtlarynyň sebitde salygy we abadançylygy berkitmek boýunça bütindünýä, sebitleýin we milli borçnamalarynyň ýerine ýetirilmegini tizleşdirjek maksatlary we wezipeleri öz içine alýar.
Ýurtlar tagallalaryň we maýa goýumlarynyň ileri tutulýanlygyny dört faktor boýunça kesgitlemegi ylalaşdylar. Hususanda, saglygy goraýyşyň Merkezi Aziýa ýurtlarynyň we hyzmatdaşlaryň syýasy gün tertibinde ýokary ileri tutulýanlygyny saklap galmak babatynda; sebitde saglygy goraýyşy we abadançylygy goldamagyň hatyrasyna strategiki bileleşigi gurmak; serişdeleri mobilizlemekde we bilelikdäki taslamalary goldamakda sazlaşygy üpjün etmek; durnukly ösüşiň maksatlaryna ýetmek ugrunda syýasatlaryň we hereketleriň ylalaşyklygyny öňe sürmek.
ORIENT habarlar
