Türkmenistan ABŞ-nyň ÝUNESKO gaýtadan gaýdyp gelmegini goldaýar
Türkmenistanyň Fransiýa Respublikasyndaky ilçisi Maksat Çaryýew ÝUNESKO-nyň Ählumumy maslahatynyň nobatdan daşary 5-nji sessiýasyny gatnaşdy. Bu sessiýany geçirmek Ýaponiýa döwleti tarapyndan öňe sürüp, 150 döwlet şol sanda Türkmenistan tarapyndan hem goldanyldy. Bu barada Türkmenistanyň Fransiýadaky ilçihanasy habar berýär.
Sessiýanyň maksady Amerikanyň Birleşen Ştatlarynyň gurama agza döwlet hökmünde gaýtadan kabul edilmegini ara alyp maslahatlaşmakdan ybarat boldy. ABŞ şu ýylyň 12-nji iýunynda gurama gaýtadan dolanyp gelmegi boýunça islegini hat üsti bilen mälim edipdi. Şeýle hem, sessiýanyň çäklerinde maliýe meseleleri ara alnyp maslahatlaşyldy.
Maslahatyň jemine laýyklykda, gurama agza 132 döwlet ABŞ-nyň gurama agza döwlet hökmünde gaýtadan kabul edilmegini goldady.
ORIENT news
