Özbegistan Hytaýdan Türkmenistanyň üsti bilen täze konteýner ýük daşamalaryny ýola goýdy
Iýun 25, 2023 | 16:09 |6879
Özbegistan Hytaýyň Sýamen portundan Türkmenistanyň üsti bilen Daşkende konteýner otlylarynyň gatnawyny ýola goýdy.
Ilkinji otly dürli görnüşli hojalyk enjamlary - sowadyjylar, kir ýuwujy maşynlar we gaz peçleri bilen dolduryldy. Ol Hytaýyň Sýamen portundan Özbegistanyň paýtagtyna 14 günlük ýoly geçip, şu gün, 25-nji iýunda gelýär – diýip, Podrobno.uz habar berýär.
Otly 39 sany kyrk futluk konteýnerden ybarat. Olar Sýamenden deňiz üsti bilen Eýranyň Bender-Abbas portuna ugradylýar. Bu ýerde konteýnerler otla ýüklenip, Eýranyň we Türkmenistanyň üsti bilen Özbegistana iberilýär.
Ozal Özbegistan bilen Eýran Türkmenistanyň üsti bilen multimodal geçelge gurmak we özbek gatnawçylary üçin tölegleri azaltmak barada ylalaşdylar.
ORIENT news
