Ýokary we orta hünär okuw mekdepleriniň zehinli uçurymlary Arkadag şäherine işe ýollanar
Ýokary we orta hünär okuw mekdeplerini üstünlikli tamamlan Aşgabat şäherinden we Ahal welaýatyndan bolan uçurymlar Arkadag şäherine işe ýollanar. Bu baradaky degişli Karara Prezident Serdar Berdimuhamedow 24-nji iýunda geçirilen Ministrler Kabinetiniň sanly ulgam arkaly geçirilen mejlisinde gol çekdi.
Resminama laýyklykda, “Orta hünär we ýokary hünär bilimi edaralarynyň uçurymlaryny işe ýollamagyň Düzgünnamasyny tassyklamak hakynda” Türkmenistanyň Prezidentiniň 2019-njy ýylyň 3-nji fewralynda çykaran 1113-nji Karary bilen tassyklanan Orta hünär we ýokary hünär bilimi edaralarynyň uçurymlaryny işe ýollamagyň Düzgünnamasyna üýtgetmeler we goşmaçalar girizildi.
Degişli Karara döwlet ähmiýetli bolan Arkadag şäheriniň edara-kärhanalarynyň işgärler meselelerini çözmek maksady bilen kabul edildi.
ORIENT news
