Türkmenistan Hytaýa tebigy gazyň eksportyny ýanwar-maý aýlarynda 13,5% artdyrdy
Türkmenistan Hytaýa turba geçiriji arkaly gaz ugratmakda öňdebaryjy orny eýelemegini dowam edýär. Ýanwar-maý aýlarynda Hytaýa 4,25 mlrd dollarlyk türkmen «mawy ýangyjy» iberildi (ösüş 13,5%-e golaý). Bu barada HHR-iň Baş gümrük müdirligi habar berdi.
Ikinji orunda Russiýa (2,81 mlrd dollar, ösüş 2,12 esse), onuň yzýanynda Mýanma (ösüş 23,1%, 630,53 mln dollar) ýerleşýär. Olardan soň — Gazagystan (25,4% azaldy, 300,13 mln dollar) we Özbegistan (60,71% azaldy, 118,63 mln dollar).
Özbegistan soňky ýyllarda içerki bazarynda islegiň artmagy sebäpli daşary ýurtlara tebigy gaz satuwyny ep-esli azaltdy. Ýurt gaz importyny artdyrýar.
Edaranyň onlaýn ulgamynda görkezilen energiýa göterijisiniň importynyň fiziki mukdary barada maglumat getirilmeýär.
Gazagystan hem şu sebäplere görä eksportyny azaldýar. Içerki islegiň ösüşi ýurduň sebitleriniň gazlaşdyryş geriminiň giňeldilmegi we iri senagat kärhanalarynyň köpüsiniň gazy kömürden ileri tutmagy bilen baglanyşyklydyr.
ORIENT news
