Türk professory beýik şahyryň 300-ýyllygynyň hormatyna Magtymguly hakynda kitap çykardy
Magtymgulynyň doglan gününiň 300-ýyllygynyň hormatyna Türkiýeden professor, filologýa ylymlarynyň doktory Ahmet Buran «Sözi ganatlandyran şahyr – Magtymguly» atly kitaby çykardy. Neşiriň çap bolup çykmagy şeýle hem Türkiýe respublikasynyň esaslandyrylmagynyň 100-ýyllygyna bagyşlanandyr.
Kitap üç bölümden ybaratdyr, olaryň her biri Magtymgulynyň döredijilik mirasyna bagyşlanandyr. Onda beýik akyldaryň şahyrana garaýyşlary yzarlanýar, akyldaryň döredijilik şahsyýeti we çeperçilik pikir ýöretmesiniň aýratynlyklary açylyp görkezilýär.
Neşir şeýle hem okyjyny Pyragynyň döredijiliginiň Gündogar edebiýatyna täsiri, onuň döredijilik hatynyň ýitiligini onuň goşgy şekilindäki eserleriniň üsti bilen tanyşdyrýar.
Umuman, Türkiýäniň medeniýet we syýahatçylyk Ministrliginiň goldaw bermeginde çykarylan Ahmet Buranyň täze kitaby Magtymguly Pyragynyň ömrüni we döredijiligini öwrenýänler üçin peýdaly gollanma bolar.
ORIENT habarlar
