Türkmenistanda adam hukuklary boýunça Mekdebiň çäklerinde maýyplygy bolan ýaşlar üçin okuwlar geçýär
Aşgabatda adam hukuklary boýunça Mekdebiň çäklerinde maýyplygy bolan ýaşlar üçin üçünji okuw geçdi. Ol BMG-nyň adam hukuklary boýunça Ýokary komissarlygynyň Merkezi Aiýa boýunça sebitleýin bölümi tarapyndan gurnaldy.
Okuw oňa gatnaşyjylary döwlet edaralary we dürli halkara gurluşlary tarapyndan maýyplygy bolan adamlaryň hukuklaryny öňe sürmek we ýerine ýetirmek boýunça alnyp barylýan işjeňlik bilen tanyşdyrdy. Hususanda, zähmet we ilaty durmuşy taýdan goramak Ministrliginiň, saglygy goraýyş we derman senagaty Ministrliginiň, Türkmenistanyň Adalatçynyň apparatynyň, BMG-nyň Çagalar gaznasynyň (ÝUNISEF), «Ýeňme» jemgyýetçilik guramasynyň işi bilen tanyşdyrdy.
«Maýyplygy bolan ýaşlar üçin adam hukuklary boýunça Mekdep» taslamasyna üstümizdäki ýylyň aprelinde BMG-nyň adam hukuklary boýunça Ýokary komissarlygynyň Merkezi Aziýa boýunça Sebitleýin bölümi tarapyndan badalga berlipdi. Bu başlangyjyň ýerine ýetirilmegi adam hukuklarynyň Ähliumumy jarnamasynyň 75-ýyllygynyň baýram edilýän ýylynda aýartyn ähmiýete eýedir. Mekdebe 18 sany ýaş adamlar gatnaşýarlar.
ORIENT habarlar
