Ermenistanyň jemgyýetçilik telewideniýesi Arkadag şäheri hakynda reportaž taýýarlar
Türkmenistanyň Ermenistandaky ilçisi Muhammetgldi Aýazow Ermenistanyň jemgyeýtçilik telewideniýesini döwlet ähmiýetli Arkadag şäheriniň açylyşy hakynda reportaž taýýarlamaga çagyrdy.
Teklip türkmen diplomatynyň Ermenistanyň jemgyýetçilik telewideniýesiniň ýerine ýetiriji direktory Oganes Mowsesýan bilen duşuşygynyň barşynda aýdyldy- diýip, Türkmenistanyň Ermenistandaky ilçihanasynyň Instagramdaky sahypasynda habar berilýär.
Muhammetgeldi Aýazow şeýle hem ermeni KHBS-niň wekillerine Türkmenistan, onuň ak mermer paýtagty hakynda filmi surata düşürmegi teklip etdi. Ol türkmen artistleriniň Ermenistanyň Jemgyýetçilik telewideniýesinde alnyp görkezilýän gepleşikleriň birnäçe gezek myhmany bolandyklaryny aýratyn belledi. Bu ermeni jemgyýetçiligini türkmen halkynyň baý medeniýeti bilen tanyşdyrmaga mümkinçilik berdi.
Öz gezeginde, ermeni telewideniýesiniň wekilleri diplomatiki wekilhananyň baştutanyny guramanyň işjeňligi bilen tanyşdyrdylar.
ORIENT habarlar
