TDHÇB-daky söwdalaşyklar: uçar kerosini we dizel ýangyjy islege eýe boldy
Duşenbe güni, 19-njy iýunda Türkmenistanyň Döwlet haryt-çig mal biržasyndaky söwdalaşyklarda jemi bahasy $27,7 mln amerikan dollaryna deň bolan 16 geleşik baglaşyldy- diýip, ORIENT-iň habarçysy habar berýär.
BAE-den we Owganystandan gelen işewürler Л-0,5-62 kysymly dizel ýangyjynyň jemi 42 müň tonnasyny satyn aldylar, önümiň her tonnasyna $585 amerikan dollary baha berdiler. Geleşikleriň jemi bahasy $24,5 mln amerikan dollaryndan geçdi.
Owganystandan gelen telekeçi söwdalaşyklaryň barşynda ТС-1 kysymly uçar kerosininiň 2 müň tonnasyny stayn aldy, önümiň her tonnasyna $710,25 amerikan dollaryny hödürledi. Geleşigiň jemi bahasy $1,4 mln amerikan dollaryndan geçdi.
Azerbaýjandan gelen kompaniýa TDHÇB-da tekizlenip boýalan we žakkard tüýjümek önümleriň 11,5 müň kg-ny $57,5 müň amerikan dollaryna satyn aldy.
Türkiýäniň işewür toparlarynyň wekili nah matanyň 720 müň inedördül metrini $996 müň amerikan dollaryna satyn aldy.
BAE-den gelen işewürler jins balaklaryň 149,2 müň sanysyny $709,1 müň amerikan dollaryna (her biriniň bahasy-$3,65 amerikan dollary) satyn aldylar.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
