BMGÖM Daşoguzda howa boýunça maglumat sessiýasyny gurnady
Türkmenistandaky BMG-nyň Ösüş maksatnamasy Daşoguz şäherinde howanyň üýtgemegi boýunça maglumat beriji sessiýalaryň birnäçesini gurnady.
Olar ýaş nesiliň wekilleriniň ünsüni howanyň üýtgemegi meselesine, ýerleriň zaýalanmagy meselelerine çekmäge gönükdirilendir.
Okuwlar Daşoguzyň Amerikan künjeginiň esasynda, «Merdem ýaşlar» okuw merkeziniň we «Eko-durmuş» jemgyýetçilik guramasynyň esasynda geçirildi. Olar meýletinçilik işjeňligi bilen işjeň meşgullanýan ýerli ýaşlaryň wekillerine tejribe we pikir alyşmak üçin meýdançany berdiler.
Sessiýalar BMGÖM-nyň Türkmenistanyň oba hojalygy we daşky gurşawy goramak Ministrligi bilen bilelikde ýerine ýetirýän «Aral deňiziniň basseýninde ýer serişdelerini we ýokary tebigy gymmaty bolan eko-ulgamlary gorap saklamak we durnukly dolandyrmak» taslamasynyň çäklerinde gurnaldy.
ORIENT habarlar
