Ekskwatorlary öndürýän kompaniýa indi smartfon hem satar
Gurluşyk we oba hojalyk tehnikalaryny öndüriji “JCB” britan kompaniýasy özüniň berkligi we goraglylygy bilen tapawutlanýan täze iki sany smartfon görnüşlerini tanyşdyrdy.
“Toughphone” we “Toughphone Max” diýlip atlandyrylýan bu smartfonlar ýokary we pes temperaturalara, basyşa, güýçli urgulara we gün şöhlelenmesine çydamlydyr. Ony 1,5 metr suwuň aşagynda ýarym sagat saklasaň hem hiç zat bolmadyk ýaly ulanyp bolýar. Telefonlaryň kiçi görnüşiniň batareýasynyň kuwwatlylygy 4050 mA sagada, ulusynyňky bolsa 12 200 mA sagada barabardyr. “Toughphone Max” smartfony garaşylýan režime geçirilende zarýadyny 30 güne çenli ýetirip bilýär.
Smartfonlaryň kiçisinde “Android 13”, ulusynyňkyda bolsa, “Android 12” ulgamy ornaşdyrylandyr. Täze smartfonlaryň satuwy iýul aýyndan ýola goýlar.
ORIENT news
