Belarusiýanyň sport we syýahatçylyk ministri Aşgabatda birnäçe gepleşikler geçirdi
Iýun aýynyň 19-dan 21-i aralygynda Belarus Respublikasynyň sport we syýahatçylyk ministri Sergeý Kowalçuk Türkmenistana iş sapary bilen geldi we onuň çäginde Türkmenistanyň Bedenterbiýe we sport baradaky döwlet komitetiniň başlygy Gulmyrat Agamyradow bilen duşuşdy.
Duşuşykda Belarusyň sport edarasynyň başlygy GDA ýurtlarynyň II oýunlarynyň konsepsiýasyny, ýurduň sport infrastrukturasyny, BDBU-niň sport toparynyň mümkinçiliklerini hödürledi we Türkmenistanyň milli ýygyndylaryny bilelikdäki okuw-tälim beriş ýygymlaryna we ýaryşlaryna gatnaşmaga çagyrdy. Şeýle hem sport pudagynda lukmançylyk we ylmy goldaw barada çykyş edildi.
Şeýle hem Sergeý Kowalçuk Medeniýet ministriniň orunbasary Nursähet Şirimow bilen duşuşdy. Belarusyň sport we syýahatçylyk ministri bu duşuşykda öz ýurdunyň syýahatçylyk mümkinçiliklerini hödürledi we yzygiderli tejribe alyşmak, şol sanda çäreleri guramak barada aýdyp, sport bilen medeniýetiň arasyndaky aýrylmaz baglanyşyga ünsi çekdi.
Duşuşykda syýahatçylyk pudagynda hyzmatdaşlygy ösdürmek, ikitaraplaýyn metbugat gezelençlerini guramak, şeýle hem sport we medeni çäreler wagtynda wizasyz tertibi girizmek ýaly möhüm meseleler ara alnyp maslahatlaşyldy.
Belarusyň sport bölüminiň başlygy türkmen tarapyny geljek ýylyň aprel aýynda Minskde geçiriljek «Dynç alyş-2024» halkara sergisine gatnaşmaga çagyrdy.
ORIENT news
