Türkmenistanyň Daşary işler ministrliginde BMG-nyň taslama bölüminiň başlygy bilen gepleşikler geçirildi
Duşenbe güni, Türkmenistanyň Daşary işler ministri Raşid Meredow Awstriýanyň Taslama hyzmatlary boýunça köp ýurtly ofisiniň (UNOPS) müdiri Freeý Fon Groote bilen gepleşik geçirdi.
Taraplar umumy gün tertibindäki köp sanly meselede Türkmenistan bilen BMG- nyň arasyndaky ýagdaýa we hyzmatdaşlygyň geljegine ýokary baha berdiler. UNOPS öz ygtyýarlygynyň çäginde Türkmenistanyň hökümeti we BMG ulgamy bilen halkara taslamalaryna hyzmat etmekdäki mehanizmleriň netijeliligini ýokarlandyrmak üçin bilelikde iş alyp barýar.
Raşid Meredow UNOPS-iň Türkmenistan hökümetine milli ösüş maksatlarynyň çäginde meýilnamalaryň we taslamalaryň durmuşa geçirilmegini çaltlaşdyrmakda kömek bermekdäki ornuny belläp geçdi. Hyzmatdaşlygyň ileri tutulýan ugurlary saglygy goraýyş, infrastruktura, oba hojalygy, energetika, «ýaşyl» we sanly geçiş, daşky gurşawy goramak we howanyň üýtgemegi ýaly taslamalardyr diýlip, Türkmen Daşary işler ministrliginiň beýanynda aýdylýar.
UNOPS – BMG ulgamy üçin taslamalary amala aşyrýan Birleşen Milletler Guramasynyň amaly bölümçesi. BMG-nyň maşgalasynyň agzasy hökmünde UNOPS hökümetlere, BMG guramalaryna we beýleki ösüş hyzmatdaşlaryna taslamalary dolandyrmak, infrastruktura we satyn alyşda goldaw hyzmatlaryny bermek hukugyna, synagyna we tejribesine eýe.
Aşgabatdaky UNOPS wekilhanasy 2021-nji ýylyň iýunynda açyldy.
ORIENT news
