Özbegistan we Russiýa gazy satyn almak-satmak barada iki ýyllyk şertnama gol çekdiler
Iýun 20, 2023 | 09:52 |5547
«Узгастрейд» PJ we «Газпром экспорт» jogapkärçiligi çäklendirilen jemgyýet gazy satyn almak-satmak barada şertnama baglaşdylar- diýip, Özbegistanyň energetika Ministrliginiň metbugat-gullugy habar berýär.
Özbegistanyň tebigy gaza bolan islegini bölekleýin kanagatlandyrmaga gönükdirilen resminamalara Özbegistanyň energetika ministri Jurabek Mirzamuhamedow we «Газпром» PAO-nyň müdiriýetiniň başlygy Alekseý Miller gol çekdiler.
Her ýylda mawy ýangyjyň 2,8 mlrd kub metrine golaýy satyn alnar.
Peterburgdaky halkara ykdysady forumynyň çäklerinde Russiýanyň gazyny Özbegistana ibermek baradaky ylalaşyk gazanyldy we respublikanyň gaz-daşaýjy ulgamyny mawy ýangyjy kabul etmäge taýýarlamagyň «ýol kartasy» kabul edildi.
ORIENT habarlar
