Türkmenistanda Özbegistanyň prezidentiniň saýlawlarynda ses bermek üçin saýlaw uçastoklary hereket eder
Türkmenistanda Özbegistanyň prezidentiniň 2023-nji ýylyň 9-njy iýulynda boljak wagtyndan öňki saýlawlarynda ses bermek üçin saýlaw uçastoklary dörediler. Degişli bildiriş şu gün resmi türkmen metbugatynda çap edildi.
Türkmenistanyň çäginde wagtlaýyn ýa-da hemişelik bolýan Özbegistanyň raýatlary özleriniň raýat hukuklaryny ýerine ýetirip bilerler we Özbegistanyň Türkmenistandaky ilçihanasynyň ýanynda açyljak aýratyn saýlaw uçastogunda saýlawlarda ses berip bilerler. Ol şu salgyda ýerleşýär: Aşgabat şäheri, Görogly köçesi, jaý 50-a.
Şeýle hem Türkmenabat şäherindäki «Ýüpek ýoly» myhmanhanasynda we Daşoguz şäherindäki «Daşoguz» myhmanhanasynda göçme saýlaw uçastoklary işlär. Türkmenabatda ses berişlik 30-njy iýunda, Daşoguzda — 28 iýunda geçer.
ORIENT habarlar
