Türkmenistanyň we Azerbaýjanyň YA-nyň baştutanlary Magtymgulynyň seýrek golýazmalaryny öwrenmegi ara alyp maslahatlaşdylar
Azerbaýjanyň Ylymlar akademiýasynyň prezidenti Isa Gabibbeýli Aşgabatda geçen halkara maslahatynyň barşynda «Azerbaýjanyň we Türkmenistanyň Ylymlar akademiýalaryndaky ösüş tapgyrlary we döwrebap prosessleri» prezentasiýasy bilen çykyş etdi.
Öz çykyşynda AYA-nyň baştutany Geýdar Aliýewiň türkmen-azerbaýjan hyzmatdaşlygyny ösdürmäge, şol sanda ylym-bilim hyzmatdaşlygyny ösdürmäge goşan goşandy hakynda gürrüň berdi – diýip, Azerbaýjanyň Türkmenistandaky ilçihanasy habar berýär.
Aşgabatda bolmagynyň dowamynda Akademiýanyň baştutany özüniň türkmen kärdeşi — Allaberdi Aşyrow bilen duşuşdy, onuň bilen ylmy-barlag alyp barmak boýunça özara hyzmatdaşlygyň ikitaraplaýyn gatnaşyklaryny ara alyp maslahatlaşdy. Hususan-da, gürrüň türkmen edebiýatynyň beýik nusgawy şahyry Magtymguly Pyragynyň seýrek golýazmalaryny öwrenmek hakynda boldy.
Isa Gabibbeýli «Ylym, tehnologiýa we IT ösüşiň döwrebap tapgyrynda» maslahatyna gatnaşandan soňra Türkmenistanyň döwlet KHBS-ne interwýu berdi.
ORIENT habarlar
