Ýakyn günlerde Türkmenistanda +45 gradus yssy howanyň bolmagyna garaşylýar

Iýun 15, 2023 | 16:09 |9181

Şenbe güni Türkmenistanyň gündogarynda we günorta-gündogarynda +40 — +45 °C çenli yssy howanyň bolmagyna garaşylýar. Yssy howa Lebap we Mary welaýatlarynda bolar. Ahal we Daşoguz welaýatlarynda ondan biraz pesräk gyzgyn howanyň bolmagyna garaşylýar – diýip, «Meteožurnal» habar berýär.

Ondan biraz öň, ýagny anna güni ähli welaýatlarda, şol sanda Balkan welaýatynyň kenarýaka etraplarynda hem temperatura biraz pese düşer. Ertesi güni, şenbe güni bolsa, termometrleriň sütünleri +40 °C gradusdan geçer.

Şu hepdede Türkmenistanda yssy howanyň güýçlenmegine garaşylýar. Käbir etraplarda tomsuň ilkinji aýy doly güýjüne girýär.

ORIENT habarlar