Türkmenistanda rus dilindäki makalalaryň bäsleşiginiň jemlerini jemlediler
«XXI asyrda diplomatiýanyň orny» atly rus dilindäki makalalaryň bäsleşiginiň jemleri jemlendi, ol Türkmenistanyň DIM-niň Halkara gatnaşyklary instituty tarapyndan ýurduň ýokary okuw mekdepleriniň talyplarynyň arasynda geçirildi.
Bäsleşigiň Gran-pri baýragynyň eýesi D.Azady adyndaky Türkmen milli dünýä dilleri institutynyň talyby Arslan Mämmedow boldy, ol «Türkmenistanyň medeniýetara dialogynda rus diliniň orny» temasyndan öz işini hödürledi.
Döredijilik bäsleşiginde birinji ýeri Halkara ynsanperwer ylymlary we ösüş uniwersitetiniň talyby Meňli Çaryýewa eýeledi, ikinji ýeri D.Azady adyndaky Türkmen milli dünýä dilleri institutynyň talyby Mekan Annagulyýew aldy. Ýeňijileriň üçlügini Magtymguly adyndaky Türkmen döwlet uniwersitetiniň talyby Aýjeren Orazberdiýewa jemledi.
Türkmenistanyň DIM-niň Halkara gatnaşyklary institutynyň talyplarynyň arasyndan Aýgül Meredowa, Oguzhan Piriýew, Erem Döwletmyradow, Ejeş Taganowa we Dawut Näzmyradow dagy tapawutlandylar.
Bäsleşik aşakdaky tematiki ugurlar boýunça geçirildi:
—Dialog – parahatçylygyň kepillendirmesi» – halkara gatnaşyklarynyň täze pelsepesi;
—Medeniýetara gatnaşygynda daşary ýurt diliniň orny;
—Medeniýetleriň dialogy we ÝUNESKO;
—Medeni diplomatiýa – milletara dialogynyň dili.
Ol zehinli we ukyply ýaşlary ýüze çykarmaga, olaryň döredijilik mümkinçiliklerini ösdürmäge, şeýle hem talyplaryň rus dilinde ýazuw başarnyklaryny kämilleşdirmäge gönükdirilipdi.
ORIENT habarlar
