Messini Pekiniň howa menzilinde sakladylar
Argentinanyň ýygyndysynyň hüjümçisi Lionel Messi ispan pasporty bilen Hytaýa girmäge synanyşdy, sebäbi ol ýurduň çägine wizasyz girip bolar diýip pikir edipdir - diýip, Hytaýyň KHBS-ne salgylanyp, Bild neşiri habar berýär.
Sosial torlardan peýdalanyjylar tarapyndan ýaýradylan şekilli rolikde birnäçe polisiýa işgäri milli topary bilen Awstraliýanyň garşysyna oýnamaga uçup gelen Argentinanyň ýygyndysynyň kapitany Lionel Messini Pekiniň howa menzilinde saklaýarlar.
Barlagda futbolçy Hytaýa girmek üçin özüniň wizasyz ispan pasportyny görkezdi. Şunuň ýaly ýalňyşy onuň ugran howa menzilinde uçara oturdylan wagtynda bilmändikleri bellenilýär. Ol ýerde ýolagçylar hasaba alnanda, olaryň girmek üçin ähli resminamalarynyň bardygyny adatça barlaýarlar. Ýöne Messi we onuň ýoldaşlary hususy uçarda uçandyklary sebäpli bu barlag geçirilmedik bolara çemeli.
Dawany çözmek üçin Messä Hytaýda bolmak üçin wagtlaýyn rugsatnama berýänçäler, ol iki sagada golaý howa menzilinde garaşmaly boldy.
Argentinanyň we Awstraliýanyň ýygyndylarynyň duşuşygy penşenbe güni, 15-nji iýunda bolar.
ORIENT habarlar
