Türkmenistan we Ermenistan seýsmiki töwekgelçilikleri bahalandyrmak babatynda hyzmatdaşlygy ara alyp maslahatlaşdylar
Ylmy-tehniki hyzmatdaşlygy giňeltmegiň meseleleri Türkmenistanyň Ermenistandaky ilçisi Muhammetgeldi Aýazowyň Ermenistanyň Milli ylymlar akademiýasynyň A. Nazarow adyndaky Geofizika we inžener seýsmologiýasy institutynyň direktory Jon Karapetýan bilen duşuşygynda ara alnyp maslahatlaşyldy. Bu barada Türkmenistanyň Ermenistandaky ilçihanasynyň Instagramdaky sahypasynda habar berilýär.
Şunuň bilen baglanyşyklykda taraplar iki ýurduň hökümetleriniň arasyndaky Türkmenistanyň Ylymlar akademiýasynyň Seýsmologiýa we fiziki atmosfera instituty bilen Ermenistanyň Milli ylymlar akademiýasynyň A. Nazarow adyndaky Geofizika we inžener seýsmologiýasy institutynyň hyzmatdaşlygy hakyndaky.
Ylalaşygyň ýerine ýetirilmegine degip geçdiler. Hususan-da, seýsmiki töwekgelçilikleri bahalandyrmak we olaryň kartasyny döretmek boýunça işler bellenildi.
Duşuşygyň ahyrynda türkmen diplomaty Jon Karapetýana Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredowyň döwlet ähmiýetli Arkadag şäheriniň açylyş dabarasyna gatnaşmaga çakylygyny gowşurdy.
ORIENT habarlar
