Sambo boýunça Aziýanyň we Okeaniýanyň çempionaty 2024-nji ýylda Makaoda geçiriler
Sambo boýunça Aziýanyň we Okeaniýanyň çempionaty 2024-nji ýylda Makaoda geçiriler. Degişli karar Aziýanyň we Okeaniýanyň Sambo birleşiginiň Astanada, Gazagystanda geçen Kongresinde kabul edildi.
2025-nji ýylda Aziýanyň yklym boýunça birinjiligi Özbegistanyň paýtagtynda – Daşkentde bolar.
«Her bir iri ýaryş sebitde sambonyň derejesiniň ösmegine ýardam edýär. Makao şol sanda bu sebäplere görä hem saýlanyp alyndy. 2025-nji ýyl barada aýdylanda bolsa, bu ýerde biz IV ýetginjekler Aziýa oýunlaryna gönükdirildik, ol taryhda ilkinji gezek Daşkentde geçer. Şu günki günde sambonyň bu Oýunlaryň maksatnamasyna goşulmaga gowy mümkinçiligi bar, şol sebäpli Oýunlaryň öňüsyrasynda sambo boýunça baş yklymlaýyn ýaryşyň geçirilmegi biziň hemmämiz üçin gowy taýýarlyk bolar», — diýip, Aziýanyň we Okeaniýanyň Sambo birleşiginiň baştutany Alamjon Mullaýew sözüni jemledi.
Kongress Aziýa-Ýuwaş ummany sebitiniň 30 ýurdundan wekilleriň gatnaşmagynda gibrid formatynda geçdi. Olar guramanyň täze Tertipnamasyny kabul etdiler, 2024-2025-nji ýyllar üçin ýaryşlaryň senenamasyny tassykladylar, şeýle hem ähli sebitlerde eminleriň we türgenleşik seminarlarynyň geçirilmeginiň ýol kartasyny tassykladylar.
ORIENT habarlar
