Gyrgyzystanyň üç medeni mirasy ÝUNESKO-nyň sanawyna girizildi
Gyrgyzystanyň ýene üç medeni mirasy – Ak-kalpak, kok-boru oýny we Bütindünýä çarwa oýunlary ÝUNESKO-nyň sanawyny doldurdy. Şahadatnama gowşuryş dabarasy anna güni Bişkekdäki taryhy muzeýde geçirildi. Dabaralara gatnaşmak üçin guramanyň baş müdiri Odre Azule Gyrgyzystanyň paýtagtyna geldi diýip, Kabar habar berýär.
Milli başgap ak-kalpak çuňňur many berýär – ol daglary we arassalygy alamatlandyrýar. Mundan başga-da, ol örän amaly we ýylyň islendik wagtynda geýip bolýar. Önüm öndürmegiň ussatlygy ata-babalardan miras galyp, indiki nesillere geçipdir.
Adaty kok-boru oýny hem halkara derejesine eýe boldy. Gadymy döwürlerden bäri bu gyrgyz ýaşlarynyň harby tälimine girizilipdir. Nädip hüjüm etmelidigini, nädip yza çekilmelidigini, söweşjeň ruhy ýokarlandyrmagy öwredipdirler. Indi bolsa ol has köp güýmenje we özboluşlylygy goramak mysaly.
Gyrgyzystanyň buýsanjy – Bütindünýä çarwa oýunlary. Olar ilkinji gezek 2014-nji ýylda geçirildi we oňa 19 ýurtdan 600 töweregi gatnaşyjy ýygnandy. Häzirki wagtda oýunlarda milli sportuň 47 görnüşi boýunça bäsleşýärler. Bu ýerde orun yzygiderliligi ýok we diňe bir ýeňiji bar. Respublikada oýunlar üç gezek geçirildi we soň estafeta beýleki ýurtlara geçirildi.
«Bu mirasy gorap saklamaly. Bu, milli medeniýetimiziň ýitip gitmezligi we geljek nesle geçmegi üçin guramamyzyň esasy maksadydyr»,-diýip Odre Azule dabarada belledi.
Şeýle-de, Gyrgyzystanyň birnäçe taryhy ýadygärligi hem ÝUNESKO- nyň sanawyna girizildi.
ORIENT news
