Kubanyň premýer-ministri Türkmenistan bilen ykdysady gatnaşyklary giňeltmegiň mümkinçiligini belleýär
Kuba hökümeti Türkmenistanyň has ýakyn ykdysady gatnaşyklary ýola goýmak mümkinçiliklerine garaýar. Bu mowzuk Kubanyň premýer-ministri Manuel Marrero Krus bilen şu ýurduň Saglygy goraýyş ministri Hose Anhel Portal Miranda bilen Türkmenistan hökümetiniň maliýe-ykdysady meseleleri boýunça wise-premýeri Hojamyrat Geldimyradowyň ýolbaşçylygyndaky türkmen wekiliýeti bilen duşuşygynyň esasy meselesi boldy.
Duşuşyk Soçide Ýewraziýa hökümetara geňeşiniň mejlisiniň çäginde geçirildi.
Marrero öz twitter akkauntynda: "Biz Türkmenistanyň hökümet baştutanynyň orunbasary Hojamyrat Geldimyradow bilen ikitaraplaýyn gatnaşyklaryň häzirki ýagdaýy we gaz, bugdaý we dökün öndüriji bolan bu ýurt bilen bilen ykdysady we söwda gatnaşyklaryny giňeltmek mümkinçiligini ara alyp maslahatlaşdyk" – diýip ýazdy.
Kubanyň ýokary derejeli resmi wekili Soçä EAEU-da synçy ýurduň wekili hökmünde geldi. Marrero Bileleşige Mariel aýratyn zolakda sebitara integrasiýany güýçlendirjek önümçilik zynjyrlaryny ösdürmäge gönükdirilen industrial parky döretmegi teklip etdi we Gawananyň EAEU-nyň hökümetara geňeşini kabul etmäge taýýardygyny aýtdy. Ol: "Kuba Latyn Amerikasy we Karib sebitine derweze hödürleýär" - diýdi.
Hojamyrat Greldimyradow hem öz gezeginde Ýewraziýa hökümetara geňeşiniň giňeldilen mejlisinde Merkezi Aziýa, Ýewropa sebitleriniň we Hytaýyň arasyndaky ýük akymlaryny güýçlendirmäge kömek etjek “Merkezi Aziýa- Hazar-Gara deňiz” we “Merkezi Aziýa-Pars aýlagy” ýollarynyň ösüşinde Türkmenistanyň roluny belläp geçdi.
2023-nji ýylyň fewral aýynda Türkmenistanda Kubanyň täze ilçisi Karlos Enrike Waldes de la Konsepsiona işe başlady. Kubaly diplomat bilen şol döwürde Aşgabatda geçirilen gepleşiklerde medeniýet, sport we saglygy goraýyş pudagynda gatnaşyklary ösdürmäge özara gyzyklanma aýratyn bellenildi.
ORIENT news
