TDHÇB-daky söwdalaşyklar: tüýjümek önümler we nah ýüplük ýokary islege eýe boldy
Çarşenbe güni, 24-nji maýda Türkmenistanyň Döwlet haryt-çig mal biržasyndaky söwdalaşyklarda jemi bahasy $3,5 mln amerikan dollaryna deň bolan 12 geleşik baglaşyldy – diýip, ORIENT-iň habarçysy habar berýär.
Türkiýeden gelen işewürler 1,5 mln kg nah ýüplüginiň dürli görnüşlerini $3,3 mln amerikan dollaryna satyn aldylar.
Gyrgyzystandan gelen telekeçi 25 müň kg tüýjümek önümleri $157,5 müň amerikan dollaryna satyn aldy. Önümiň her kg $4,50 amerikan dollary teklip edildi.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT
