TDHÇB-daky söwdalaşyklar: dizel ýangyjy we dokma önümlerini ýokary islege eýe boldy
Penşenbe güni, 1-nji iýunda Türkmenistanyň Döwlet haryt-çig mal biržasyndaky söwdalaşyklarda jemi bahasy $24,4 mln amerikan dollaryna deň bolan 9 geleşik baglaşyldy – diýip, ORIENT-iň habarçysy habar berýär.
Owganystandan, Gonkongdan, Türkiýeden we BAE-den gelen işewürler gidro usulda arassalanan dizel ýangyjynyň 43,5 müň tonnasyny satyn aldylar, onuň her tonnasyna arzanladyşa baglylykda $566,75 we $556,75 amerikan dollary baha berildi. Geleşikleriň jemi bahasy $24,3 mln amerikan dollaryndan geçdi. Hytaýyň işewür toparlarynyň wekili dokma önümleriniň dürli görnüşleriniň - ýassyk daşlyklarynyň, örtgüleriň we ýorganlaryň 26,4 müňüsini $49,5 müň amerikan dollaryna satyn aldy.
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
