«Аваза-2023» folklor festiwalynda Russiýanyň «Ogonki» tans topary çykyş eder
Türkmenistanda «Awaza-2023» halkara folklor festiwalynda Russiýanyň Garri Polewoý adyndaky «Ogonki» tans topary çykyş eder – diýip, «Weçerniý Barnaul» portaly ýazýar.
Festiwal Hazar deňziniň kenarynda «Awaza» milli syýahatçylyk zolagynda 13-njy iýundan 16-njy iýuna çenli geçer. Çärä gatnaşmak üçin Hindistandan, Hytaýdan, Rumyniýadan, Belarusdan, Özbegistandan, Täjigistandan, Gazagystandan, Eýrandan we beýleki ýurtlardan folklor-tans kollektiwleri hem çagyrylandyr.
Artistleriň çykyşlaryndan başga-da, festiwalyň çäklerinde «Folklor döredijiliginiň we milli tansyň däpleri» atly Halkara ylmy-amaly maslahatyny geçirmek meýilleşdirilýär.
Altaý ülkesiniň Döwlet filarmoniýasynyň «Ogonki» tans topary Awazada özüniň iň öwüşginli tanslaryny - «Kolywanskaýa naparoçka», «Sibirskaýa plýasowaýa», «Sudaruşka» we beýleki tanslaryny görkezmegi meýilleşdirýär.
ORIENT habarlar
