Russiýanyň demir ýollarynda wagonlaryň arasyny açýan robot synag edilýär
«Rossiýskie železnye dorogi» AGPJ-de robot-manipulýator peýda boldy, onuň wezipe-borçlaryna wagonlaryň arasyny açmak girýär. Bu awtomatiki gurluş eýýäm Çelýabinskiniň stansiýasynda synag edilýär, ol sortlaýjy gorkada özbaşdak hereket edýär, el-manipulýatoryň kömegi bilen wagonlaryň arasyny açýar. Gurluşyň gowy hereket etmegi üçin ony döredijiler tarapyndan birnäçe kameraly tehniki görüş ulgamy göz öňünde tutulandyr.
Manýowrlary amala aşyrýan lokomotiwler, hereket ediji düzüm stansiýa golaýlanda awtomatlaşdyrylan kabul ediji we barlaýjy we beýleki özbaşdak işleýän ulgamlar adamsyz dolandyrmak bilen birlikde, robot-manipulýator sanly demir ýol stansiýasynyň elementleriniň biri bolar.
Robot demir ýol ulagynda Informatizasiýa, awtomatlaşdyrma we aragatnaşyk ylmy-barlag we taslama-konstruktorçylyk institutynda döredildi. Bu ylmy-barlag instituty «РЖД» holdinginiň dolandyryşyň intellektual ulgamy we otlylaryň hereketiniň howpsuzlygyny üpjün etmek, şeýle hem demir ýol ulagynyň infrastrukturasynyň desgalaryny barlamak babatynda öňdebaryjy ylmy edarasydyr.
ORIENT habarlar
