Gyrgyzystanda çig nebitiň çykarylyşynyň möçberi artdy
Gyrgyzystanda çig nebitiň çykarylyşynyň möçberi artdy – diýip, Trend bu ýurduň statistika maglumatlarynyň çeşmesine salgylanyp, habar berýär. Şeýlelikde, 2023-nji ýylyň ýanwar-fewral aýlarynda Gyrgyzystanda gara altynyň 97 müň 800 tonnasy gazylyp alyndy. Bu geçen ýylyň degişli döwrüniň görkezijileri bilen deňeşdirilende 4,3% köpdür. Şonda bu Merkezi Aziýa ýurdunyň nebit ýataklaryndan 93 müň 800 tonna çig nebit alnypdy.
Jemi 2022-nji ýylda Gyrgyzystanda gara altynyň çykarylmagy 295 müň 100 tonna deň boldy. Onuň uly bölegi Jalalabad oblastynyň paýyna düşýär. Ýurduň sebitleriniň arasynda suwuk uglewodorod ýangyjy boýunça ikinji ýerde – Batkent oblasty gelýär – ol ýerden geçen ýylda çig nebitiň gazylyp alynmagy 11 müň 800 tonna deň boldy.
ORIENT habarlar
