Türkmen wekiliýeti Yslamabatda TOPH gaz geçirijisi boýunça gepleşikleri geçirer

Iýun 07, 2023 | 01:16 |8069

Çeşme: petroleum.gov.pk

Sişenbe güni Türkmenistanyň Pakistandaky ilçisi Atajan Möwlamow Pakistanyň Nebit ministri Musadyk Masud Malik bilen duşuşdy.

Taraplar özara gyzyklanma bildirilýän mowzuklary, şeýle hem Türkmenistanyň resmi wekiliýetiniň 7-nji iýunda Yslamabat şäherine saparyny ara alyp maslahatlaşdylar – diýip, Urdu Point habar berýär.

Päkistanyň Nebit ministriniň sözlerine görä, Türkmenistanyň wekiliýeti bilen gepleşikleriň dowamynda TOPH (Türkmenistan-Owganystan-Päkistan-Hindistan) gaz geçiriji taslamasyny durmuşa geçirmekde öňegidişlikler gazanylar diýlip garaşylýar.

ORIENT news