Türkiýäniň Türkmenistandaky ilçisiniň rezidensiýasynda Bütindünýä ertirlik gününi bellediler
ÝUNESKO tarapyndan her ýylyň iýun aýynyň birinji ýekşenbesinde bellenilýän Bütindünýä ertirlik gününiň çäklerinde Türkiýäniň ilçisiniň Aşgabatdaky rezidensiýasynda türk ertirligi hödürlendi.
Çärä Türkiýäniň Türkmenistandaky ilçisi Togan Oral, Aşgabatdaky türk ilçihanasynyň işgärleri, şeýle hem köpçülikleýin habar beriş serişdeleriniň wekilleri gatnaşdylar.
Öz çykyşynda ilçi Oral bu aýratyn günde olaryň türkmen dostlary bilen bile ýygnanandyklaryny beýan etdi we iýmitiň we içimligiň türk medeniýetinde möhüm orun eýeleýändigini belledi.
«Biz bu baý saçaklary öz dostlarymyz bilen bile ýygnanmak we gürleşmek, öz şatlyklarymyzy we gussalarymyzy paýlaşmak üçin ulanýarys» – diýip, Oral aýtdy.
Türkiýäniň ilçisi iýun aýynyň ilkinji ýekşenbesiniň Türkiýäniň başlangyjy bilen bütin dünýäde Bütindünýä ertirlik güni diýlip bellenýändigini beýan etdi: «Şol bir wagtda Türkiýe türk ertirliginiň Gününi ÝUNESKO-nyň maddy däl gymmatlyklarynyň sanawyna girizmek üçin ýüz tutmany tabşyrdy. Biz türk ertirligi medeniýetiniň basym bu sanawa goşuljagyna ynanýarys».
ORIENT habarlar
