Ýewraziýa ösüş banky MA-daky suw-energetika pudagynda taslamalary amala aşyrmagy meýilleşdirýär
Şanhaýdaky Täze ösüş bankynyň (TÖB) her ýylky geçirilýän 8-nji ýygnagynda Ýewraziýanyň ösüş bankynyň Müdiriýetiniň başlygy Nikolaý Podguzow köptaraply institutlara Merkezi Aziýada döwlet-hususy hyzmatdaşlygy (DHH) formatyndaky serhetara taslamalaryny ýerine ýetirmek üçin tagallalary birleşdirmegi teklip etdi. Bu barada bankyň resmi saýtynda habar berilýär.
«Bu çylşyrymly iş. Munuň ýaly taslamalar uzak möhletli maýany köp talap edýär we işjeň halkara hyzmatdaşlygyny talap edýär. Bize mälim bolşy ýaly, bütin dünýä boýunça 18 serhetara DHH taslamasy tamamlandy – esasan-da ulag, suw-energetika toplumynda we telekommunikasiýada» - diýip, Ýewraziýa ösüş bankynyň Müdiriýetiniň başlygy bankyň şuňa meňzeş taslamalary beýleki ösüş institutlary bilen ara alyp maslahatlaşmaga taýýardygyny bildirmek bilen, aýtdy.
Serhetara infrastrukturasynyň üstünlikli ösüşini we Ýewraziýada daşary ýurt DHH ýerine ýetimegiň netijeli dolandyryşyny üpjün etmek üçin Ýewraziýa ösüş banky degişli görkezmeleri işläp düzdi.
Amala aşyrmak üçin ilkinji taslama Merkezi Aziýanyň suw-energetika toplumyndaky başlangyçlar bolup biler.
«Häzir Merkezi Aziýada mümkinçilikleriň penjiresi açyk diýip men pikir edýärin. Sebitde ikitaraplaýyn hyzmatdaşlyk işjeňleşdi. Gyrgyzystan, Özbegistan we Gazagystan Kambar-Ata GES-1 bilelikdäki gurluşygynyň mümkinçiligine garaýarlar. Biz bu taslamanyň bir bölegi bolmaga umyt edýäris» – diýip, Podguzow belledi.
Merkezi Aziýada suwarmagyň döwrebap tehnologiýalarynyň ornaşdyrylmagy we suwaryş ulgamlarynyň döwrebaplaşdyrylmagy gidroenergetiki desgalaryň gurluşygy bilen bir hatarda suwdan peýdalanmagyň netijeliligini 40% ýokarlandyrar we oba hojalyk önümçiliginiň howpsuzlygyny üpjün eder.
ORIENT habarlar
