TDHÇB-daky söwdalaşyklar: tebigy gazdan alnan $93 mln ABŞ-nyň dollaryna barabar benzin eksport edildi
Şenbe güni, 3-nji iýunda Türkmenistanyň Döwlet haryt-çig mal biržasyndaky söwdalaşyklarda jemi bahasy $95,6 mln amerikan dollaryna deň bolan 7 geleşik baglaşyldy – diýip, ORIENT-iň habarçysy habar berýär.
Türk kompaniýasy ECO-93 kysymly benziniň 140 müň tonnasyny satyn almak barada geleşik baglaşdy. Önümiň her tonnasyna $665 amerikan dollary baha berildi. Geleşigiň jemi bahasy $93,1 mln amerikan dollaryna deň boldy.
BAE-den gelen işewür jins balaklaryň 100 müňüsini $365 müň amerikan dollaryna satyn aldy (hersiniň bahasy - $3,65).
Söwdalaşyklara goýlan harytlar barada maglumatlar bilen Türkmenistanyň Döwlet haryt we çig mal biržasynyň resmi web saýty arkaly şu ýerden tanşyp bilersiňiz.
Oba hojalygy, senagat we aragatnaşyk bölümlerinde, şeýle hem söwda toplumynda söwdalaşyk duşenbe-anna günleri 16:00-da, şenbe güni sagat 11:30-da başlanýar. Nebit we gaz pudagynda birža söwdasy duşenbe-anna günleri 16:30-da, şenbe güni 12:00-da başlanýar.
Şol bir wagtyň özünde, tmex.gov.tm web sahypasynda, birža harytlaryny gönümel öndürijilerden satmak teklipleri bilen funksional platformanyň üsti bilen habarlaşyp bilersiňiz. Şeýle hem birža harytlarynyň satuwy barada bildirişleri hem çap edip bolýar.
ORIENT habarlar
